Svizra27 è organisada sco uniun e sa cumpona d’associaziuns d’economia, d’artisanadi e da mastergn dals tschintg chantuns da la Svizra dal Nordvest, da trais associaziuns d’economia, d’artisanadi e da mastergn naziunalas e da partenaris socials chantunals e naziunals.
L’idea da lantschar in’exposiziun naziunala è naschida en la Svizra dal Nordvest l’onn 2015. Kurt Schmid, interprendider e president da l’Uniun d’artisanadi e mastergn da l’Argovia, ha decidì da fundar ina gruppa centrala e da lantschar il project Svizra27, suenter ch’il project ha fatg naufragi en la Svizra da l’Ost.
La visiun da Svizra27 è da crear in’exposiziun naziunala impurtanta en la Svizra dal Nordvest (chantuns Argovia, Basilea-Champagna, Basilea-Citad, Giura e Soloturn) che reunescha ils umans e che promova l’identitad.