Svizra27 s’extenda sur l’entira Svizra dal Nordvest. Ils 11 temas vegnan evocads en diesch lieus e sin ils viadis tranteren.
Uschia nascha in spazi d’eveniment collià tras ils flums: En las «capslas da spazi e temp» experimenteschan las visitadras ed ils visitaders futurs pussaivels davart temas specifics, els participeschan activamain al «Gieu da las ideas», influenzeschan al «Forum» a Basilea il futur e planiseschan lur viadi ad e tranter ils lieus cun las purschidas correspundentas dal sectur tematic «Mobilitad e spazi».
Sco consequenza è mintga tema collià cun in lieu. Quest lieu è sclerì cun il chantun respectiv, la vischnanca ed ils proprietaris. Sch’in areal prendì en vista na duess pervia d’ulteriurs retardaments da las planisaziuns per in onn da realisaziun a partir dal 2030 betg pli star a disposiziun, vegnan alternativas elavuradas. Uschespert che l’onn da realisaziun è decidì, vegnan fatgs sin basa dal studi da realisabladad preschent ils ulteriurs detagls e la planisaziun, il nov scleriment cun il chantun, la vischnanca, ils proprietaris ed ulteriurs stakeholders locals, iniziativas, gruppas ed interpresas. Sco consequenza vegnan er l’access e la cuntanschibladad dal lieu sco er admissiuns actualas areguard colliaziuns ed infrastructura da traffic controlladas da nov.
Per precisar che la realisaziun da cuntegns skizzads e formats n’è betg dependenta d’in areal specific, èn vegnids elavurads dus lieus alternativs per il forum a Basilea. Exemplaricamain elavurada en moda pli profunda che las autras capslas è la capsla da spazi e temp a Stein AG davart il tema «Nutriment ed ambient».
Per l’orientaziun spaziala – e betg, perquai che las capslas da spazi e temp ed il forum duain vegnir visitads en ina tscherta successiun – vegnan ils lieus preschentads sin las paginas suandantas en la direcziun da l’ura geografica. En il decurs d’ulteriurs scleriments vali da controllar, sch’ina reducziun dal dumber da las capslas da spazi fa senn.