Svizra27 s’extenda sur l’entira Svizra dal Nordvest. Ils 11 temas vegnan evocads en diesch lieus e sin ils viadis tranteren.
Uschia nascha in spazi d’eveniment collià tras ils flums: En las «capslas da spazi e temp» experimenteschan las visitadras ed ils visitaders futurs pussaivels davart temas specifics, els participeschan activamain al «Gieu da las ideas», influenzeschan al «Forum» a Basilea il futur e planiseschan lur viadi ad e tranter ils lieus cun las purschidas correspundentas dal sectur tematic «Mobilitad e spazi».
Sco consequenza è mintga tema collià cun in lieu. Quest lieu è sclerì cun il chantun respectiv, la vischnanca ed ils proprietaris. Sin basa da quests scleriments pon ils ulteriurs detagls e l’ulteriura planisaziun vegnir fatgs. Sch’in areal prendì en vista na duess pervia da retardament da las planisaziuns betg pli star a disposiziun, èn alternativas vegnidas elavuradas. Per precisar che la realisaziun da cuntegns skizzads e formats n’è betg dependenta d’in areal specific, èn vegnids elavurads dus lieus alternativs per il forum a Basilea. Elavurada en moda pli profunda che las autras capslas è la capsla da spazi e temp a Stein AG davart il tema «Nutriment ed ambient».
Per l’orientaziun spaziala – e betg, perquai che las capslas da spazi e temp ed il forum duain vegnir visitads en ina tscherta successiun – vegnan ils lieus preschentads sin las paginas suandantas en la direcziun da l’ura geografica.