Svizra27 chatta grond sustegn da l’economia e vegn purtada era vinavant dals tschintg chantuns da la Svizra dal Nordvest.
Ils onns 2022 e 2023 fa Svizra27 in studi davart la realisabladad che serva en la discussiun cun differentas gruppas d’interess da la politica e da l’economia sco basa da decisiun per realisar l’exposiziun naziunala. Il studi da realisabladad ha in tetg da custs da CHF 4.1 milliuns e vegn finanzià dals tschintg chantuns da la Svizra dal Nordvest e da ferms partenaris da l’economia.
Svizra27
Pionieras e pioniers
Svizra27 intermediescha ina visiun e curaschi, ella s’occupa da temas impurtants per la Svizra. AMAG sa legra da contribuir cun sia expertisa da mobilitad.
Svizra27 intermediescha ina visiun e curaschi, ella s’occupa da temas impurtants per la Svizra. AMAG sa legra da contribuir cun sia expertisa da mobilitad.
Sch’i vegn lantschà in tal project impurtant en la Svizra dal Nordvest, èsi essenzial che l’economia al sustegnia. Perquai ans engaschain nus gugent per questa chaussa Svizra27.
Nagliur n’è Crowdhouse uschè activ sco en la Svizra dal Nordvest. La vita en la regiun dat la tempra a quai che nus faschain e creain. Perquai sustegnain nus Svizra27.
In’exposiziun naziunala represchenta nossa Svizra, nossa cuminanza e nossa societad. Pervia da COVID èn questas valurs dumandadas pli che mai. Cun noss engaschament mettain nus in signal.
Sco interpresa svizra da logistica e fatschenta da famiglia cun ragischs en la regiun ans stattan fitg a cor la Svizra dal Nordvest e la tematica dal mund da lavur.
Il clima e l’energia èn las sfidas per nus e las generaziuns vegnintas. Sco interpresa da provediment a la testa en la Svizra dal Nordvest vulessan nus manar en il rom da Svizra27 ina discussiun averta e profundada davart l’avegnir da l’energia e dal clima.
Reunir umans e giudair da cuminanza – questas finamiras partan la SV Group e Svizra27. Perquai ans legrain nus dad esser da la partida sco PIONIERS.
Nus essan da la partida, perquai che nus sco era Svizra27 essan en nossa branscha pionieras che vivan l’innovaziun e vulain entusiasmar communablamain ils umans en in mund collià.
Svizra27
Ils chantuns da la Svizra dal Nordvest
«Exposiziuns naziunalas n’èn betg mo ina tradiziun svizra, ellas èn er impurtantas per noss pajais – per la solidaritad, per l’identificaziun e per il maletg ch’ils umans han da sasezzas e sasezs. In’exposiziun naziunala po esser in nov cumenzament en in avegnir communabel. Tant ils tschintg chantuns sco era la Conferenza da las regenzas da la Svizra dal Nordvest sustegnan Svizra27 unanimamain e cun persvasiun.»
Dr. Markus Dieth, president da la Conferenza da las regenzas da la Svizra dal Nordvest e cusseglier guvernativ dal chantun Argovia.
Svizra27
Partenari, sponsuras e sponsursSvizra27 Partenari da mobilitad
Svizra27 Partenari da medias
Svizra27 Sponsuras e sponsurs
