Igl è l’incumbensa d’ina exposiziun naziunala da dumandar las grondas dumondas dal temp, da liberar novs impuls per il futur da la Svizra e da rinforzar la solidaritad.
Ella reunescha acturas ed acturs da la societad e da l’economia, da la cultura e da la politica da l’entira Svizra, betg mo geograficamain, mabain er intellectualmain: en ina gronda discussiun cuminaivla davart sasez e dal futur da noss pajais. En quest connex sa mesiran involuntarmain concepziuns differentas. Perquai èn exposiziuns naziunalas er in dialog: in grond discurs cuminaivel, en il qual nus pudain emprender in da l’auter, intensivar nossas atgnas imaginaziuns u er metter en dumonda e lavurar vi d’ina gronda finamira cuminaivla. Mintga exposiziun naziunala è in term impurtant: da l’inscunter e da la chapientscha, da la scuvrida e da l’inspiraziun, dal plaschair e da l’allegria.
Svizra27 tracta questa incumbensa cun in setting geografic decentral e tuttina concentrà en la Svizra dal Nordvest, cun ina pluna temas e formats e cun ina parantesa tematica che porta tut: Viver il futur en moda ludica, furmar il futur ensemen.
