Il studi da realisabladad (secunda ediziun) mussa las premissas idealas e finanzialas, las modas da proceder pertutgant il cuntegn ed il concept, las cundiziuns generalas, ils meds, ils lieus e las persunas participadas da la proxima exposiziun naziunala Svizra27 en la Svizra dal Nordvest. El sondescha, co e sut tge cundiziuns che Svizra27 po vegnir realisada sco exposiziun naziunala en la Svizra dal Nordvest.
En il center dal project purtà l’emprim oravant tut da l’economia è stada dapi il cumenzament la tematica da las trais noziuns fundamentalas «Uman – Lavur – Solidaritad». Partind da questa tematica è la descripziun da project vegnida sviluppada vinavant. Numerusas ideas èn vegnidas preschentadas ch’èn vegnidas discutadas en moda detagliada e sviluppadas vinavant cun ils pli impurtants stakeholders e las pli impurtantas persunas responsablas. Il studi preschenta uschia ina schelta, da quai ch’è als lieus d’occurrenza betg mo imaginabel, giavischabel e pensabel, mabain po er vegnir exequì en moda concreta – concernent politica, finanziaziun ed organisaziun. Co ch’il pled di, ha il studi da realisabladad en mira da sclerir en general, sche las ideas da concept elavuradas pon vegnir realisadas. Ella na pretenda betg da mussar en detagl la realisaziun da Svizra27 e vegn en quest connex ad in resultat positiv. Per concretisar quel vinavant, èn stringentamain necessarias las ulteriuras fasas da planisaziun.
Ils proxims onns vegnan la digitalisaziun, la midada demografica, l’ecologisaziun da l’economia, novas furmas da la globalisaziun, la midada ecologica ed ulteriurs motors manar a grondas transfurmaziuns. Quellas vegnan a trair il mund da lavur en lur tschitsch ed uschia danovamain transfurmar cun ellas tut ils aspects – da la cultura sur la furmaziun fin a la cuntrada ed a la mobilitad. Il mund da lavur è in sistem cumplex che reagescha en moda sensibla sin disturbis. La crisa da corona resp. il lockdown ordinà durant la crisa da COVID-19 ha fatg daventar nus tuttas e tuts conscients da quai.
Il studi da realisabladad cumplet pudais Vus guardar qua (disponibel en tudestg).
